"Sportinq" Avropa Liqasının qrup mərhələsinin I turunda evdə qarşılaşacaqları "Qarabağ"la oyundan öncə azarkeşlərinə müraciət edib.
Sportinfo.az xəbər verir ki, Lissabon təmsilçisi fanatların həmin qarşılaşmada pirotexniki vasitələrdən istifadə etməməsini və meydana kənar əşyalar atmamasını istəyib.
Sentyabrın 20-də Lissabondakı "Joze Alvalade" stadionunda keçiriləcək "Sportinq" - "Qarabağ" matçı Bakı vaxtı ilə saat 23:00-da başlanacaq.
Komanda ötən mövsüm Avropa Liqasının 1/4 finalında evdə İspaniya "Atletiko"su ilə matçda azarkeşlərə görə cəzalandırılıb.
