"Vorskla" Avropa Liqasının qrup mərhələsi üçün sifariş ərizəsini açıqlayıb.

Sportinfo.az-ın UEFA-nın rəsmi saytına istinadən verdiyi məlumata görə, baş məşqçi Vasili Saçko heyətə 25 futbolçu daxil edib.

Onlardan 8-i legionerdir. Əcnəbilərdən hərəyə ikisi Braziliya və Gürcüstanı, qalanları Qana, Kosovo, Mali və Ermənistanı təmsil edir.

Qapıçılar: 1. Boqdan Şust, 21. Aleksandr Tkaçenko

Müdafiəçilər: 3. Andro Giorqadze (Gürcüstan), 4. İqor Perduta, 5. Najip Yakubu (Qana), 13. Maryan Mısik, 17. Volodimir Çesnakov, 23. Vadim Sapay, 25. Yevgeni Martınenko, 33. Aleksandr Çijov, 44. Ardin Dalku (Kosovo), 50. İbrahim Kane (Mali), 66. Artur Serjio Batista de Souza (Braziliya)

Yarımmüdafiəçilər: 6. Aleksandr Sklyar, 7. Geqam Kadimyan (Ermənistan), 8. Artyom Qabelok, 11. Vyaçeslav Şarpar, 19. Volodimir Odaryuk, 29. Dmitri Kravçenko, 30. Aleksandre Kobaxidze (Gürcüstan), 82. Pavlo Rebyonok

Hücumçular: 9. Mixail Sergeyçuk, 10. Vladislav Kulaç, 14. Nikolas Mores da Kruz (Braziliya), 26. Yuri Kolomoyets

Baş məşqçi: Vasili Saçko

"Vorskla" "Arsenal" və "Sportinq"lə yanaşı, "Qarabağ"la da eyni qrupda yer alıb. Azərbaycan və Ukrayna təmsilçiləri arasındakı ilk görüş oktyabrın 25-də Tofiq Bəhramov adına Respublika Stadionunda keçiriləcək.

Səfərdəki matç isə noyabrın 8-də Ukraynanın Poltava şəhərindəki Aleksey Butkovski adına stadionda təşkil olunacaq.