“Qarabağ”ın baş məşqçisi Qurban Qurbanov Avropa Liqasının pley-off mərhələsi çərçivəsində Moldova çempionu “Şerif”ə qarşı keçirdikləri ilk oyunu şərh edib.
Sportinfo.az xəbər verir ki, Ağdam klubunun çalışdırıcısı 0:1 hesabıyla uduzduqları matçdan sonra baş tutan mətbuat konfransında bunları söyləyib:
“Rəqib müdafiədə çox yaxşı təşkilatlanmış komandadı. Olduqca intizamlı oynadılar, bu da onların necə yaxşı komanda olduğunu göstərir.
İndi cavab oyununda xüsusi nəysə dəyişmək haqda danışmaq üçün tezdi. "Şerif" 1:0 hesablı qələbə qazansa da, qrup mərhələsi üçün şanslarımız qalır. Bu şansdan da cavab matçında maksimum istifadə etməyə çalışacağıq”.
