Bu gün "Qarabağ" Avropa Liqasının "play-off" mərhələsində ilk oyununa çıxacaq - rəqib Moldova çempionu "Şerif" olacaq.
Tiraspoldakı "Şerif" İdman Kompleksinin stadionunda keçiriləcək qarşılaşmaya maraq yetərincədi.
"Şerif"də heyət sarıdan heç bir problem yoxdu. "Qarabağ" isə bugünkü oyuna itkilərlə çıxacaq. İnnosent Emeqara cəzalı, Dani Kintana zədəli olduğu üçün forma geyinməyəcək.
Eyni zamanda Rəşad Sadıqov xəstələndiyi üçün son çalışmalarda iştirak etməyib. Bununla belə, Kişinyovda yaşayan həmyerlilərimiz komandanın kapitanını tək buraxmayıb.
Bir qrup "Qarabağ"lı futbolçularımızın olduğu yerə gələrək, Sadıqovla şəkil çəkdirib, ona dəstək verib (Sportinfo.az).
