FİFA referisi Əliyar Ağayev Avropa Liqasının II təsnifat mərhələsin ilk oyunları çərçivəsində keçirilən “Kayrat” – “Alkmaar” matçını idarə edib.
Sportinfo.az xəbər verir ki, Almatıdakı "Ortalıq" stadionunda keçirilən oyunda Qazaxıstan təmsilçisi Hollandiya klubuna 2:0 hesabı ilə qalib gəlib.
Əliyar Ağayev bu qarşılaşmada meydan sahiblərini 3, qonaqların 2 futbolçusunu sarı vərəqə ilə cəzalandırıb.
Ağayevə Zeynal Zeynalov və Rza Məmmədov yan xətt, Orxan Məmmədov dördüncü hakim qismində yardımçı olublar.
Çexiyalı Miroslav Liba hakim-inspektor, gürcüstanlı Vaxtanq Bzikadze UEFA nümayəndəsi funksiyasını yerinə yetiriblər.
