"Neftçi"nin Avropa Liqasının I təsnifat mərhələsində Macarıstanın "Uypeşt” komandası ilə keçirəcəyi ilk oyunun biletləri satışa çıxarılıb.
Sportinfo.az klubun saytına istinadən xəbər verir ki, qiyməti 1, 2, 5 və 20 (VİP yerlər) manat təşkil edən biletləri "Dalğa Arena” və "Bakcell Arena” stadionlarının kassalarından əldə etmək mümkündü.
Azarkeşlərin daha rahat bilet əldə etmələri üçün gün ərzində əlavə satış nöqtələri yaradılacaq və bu barədə məlumat veriləcək. İyulun 12-da "Dalğa Arena”da keçiriləcək oyun saat 21:00-da başlanacaq.
