"Fiorentina"nın futbolçusu Federiko Kyeza atası Enriko Kyeza ilə münasibətlərindən danışıb.
Sportinfo.az xəbər verir ki, "Times" nəşrinə müsahibə verən 21 yaşlı hücumçu Avropa Liqasının qrup mərhələsində "Qarabağ"a vurduğu qolu da xatırlayıb:
"Peskara" ilə oyunda qırmızı vərəqə almışdım. Həmin vaxt atam 3 gün mənimlə danışmadı. Amma "Qarabağ"a qol vuranda atam sevincindən telefonunu sındırdı".
Federiko Kyeza 2016-2017 mövsümündə Avropa Liqasının qrup mərhələsinin sonuncu oyununda səfərdə "Qarabağ"la oyunda fərqlənib.
Hücumçu 84-cü dəqiqədə komandasına qələbə qazandıran qola imza atıb. O, 1996-2001-ci illər ərzində İtaliya milli komandasında çıxış etmiş məşhur Enriko Kyezanın oğludur.
