"Arsenal"ın baş məşqçisi Arsen Venger Avropa Liqasının yarımfinalının ilk matçında "Atletiko" ilə 1:1 hesablı nəticədən sonra açıqlama verib.
Sportinfo.az xəbər verir ki, son dəqiqələrdə qol buraxan "topçular"ın baş məşqçisi buna görə məyus olduqlarını dilə gətirib:
"İstədiyimiz performansı sərgilədik və hesabda 1:0 önə keçdik. Uzun ötürmələrdə diqqətli olmalı idik.
Onların yeganə şansları bu idi. Bütün komanda bərabərlik qolundan sonra yıxıldı. Çox məyusuq. İlk matçda finala çıxa bilərdik, amma fürsəti qaçırdıq".
