2018/2019 mövsümündə Avropa Liqasının finalı Bakı Olimpiya Stadionunda (BOS) keçiriləcək. Sportinfo.az-ın "Marca"ya istinadən yaydığı xəbərə görə, bu barədə qərar UEFA İcraiyyə Komitəsinin iclasında qəbul olunub.
Çempionlar Liqasının finalı isə Madriddəki "Metropolitano" stadionunda olacaq. Təməli 6 iyun 2011-ci ildə qoyulmuş BOS-un açılış mərasimi 2015-ci il martın 6-da keçirilib. UEFA-ya göndərilmiş sifariş ərizəsində stadionun tamaşaçı tutumu 70055 nəfər göstərilib.
