"Qəbələ” böyük büdcəyə və yaxşı oyunçulara sahib klubdu. Yay fasiləsində 9 oyunçu transfer ediblər. Ancaq bu o demək deyil ki, onlar komanda gücləndiriblər. Çünki yeni futbolçuların yeni kollektivə uyğunlaşmaq üçün zamana ehtiyacları var".
Sportinfo.az-ın məlumatına görə, bu sözləri Polşa "Yagelloniya"sının baş məşqçisi İreniuş Mamrot Avropa Liqasının ikinci təsnifat mərhələsində "Qəbələ" ilə ilk oyun öncəsi klubun saytına açıqlamasında deyib.
O bildirib ki, “Qəbələ”nin yeni transferlərinin hamısı start heyətində meydana çıxsa, Polşa klubu üçün daha yaxşı olar: "Çünki çox az müddət bir yerdə olublar və kollektivin formalaşması vaxt tələb edir. Bu da bizə əlavə şans yaradır”.
İ.Mamrot "Qəbələ"ni yaxşı təhlil etdiklərini söyləyib: “Onlarda çempionat çoxdan bitib. Amma rəqibin Kiyev “Dinamo”su və “Ludoqorets”lə yoxlama oyunlarının videoyazısına baxmışam. Əlbəttə ki, güclü komandadır. Ancaq biz onların zəif cəhətlərindən istifadə etməyə çalışacağıq".
