“Zirə” “Astra” ilə oyuna hazırlığı Rumıniyada davam etdirir Sportinfo.az xəbər verir ki, “Differdanj”la oyundan sonra Belçikaya yollanan “Zirə” dünən gecə Rumıniyaya gəldi.
Avropa Liqasının 2-ci təsnifat mərhələsində “Astra” ilə qarşılaşacaq komandamız Buxarest yaxınlığında yerləşən Rumıniya yığmasının təlim-məşq bazasında hazırlığını davam etdirir. Sabah da burda məşq edəcək “qartallar” iyulun 12-də Giurgiyə yola düşəcək.
“Zirə” oyunöncəsi son məşqini qarşılaşmanın keçiriləcəyi stadionda edəcək. Məşq oyunun başlanma saatında - 20:30-da start götürəcək və ilk 15 dəqiqəsi mətbuat üçün açıq olacaq. Bundan yarım saat əvvəl isə “Zirə”nin baş məşqçisi Ayxan Abbasovun mətbuat konfransı kəçiriləcək.
