Avropa Liqasının 2-ci təsnifat mərhələsində “Zirə” ilə qarşılaşacaq "Astra”nın baş məşqçisi Edvard Yordanesku yerli mətbuata açıqlama verib.
Sportinfo.az xəbər verir ki, rumıniyalı mütəxəssis “Snaqov”la yoxlama oyunundan (8:0) sonra açıqlamasında komandasının sərgilədiyi oyundan razı qaldığını, lakin heyətin tam formalaşmadığını deyib.
“Zirə” və “Astra” arasında ilk oyun iyulun 13-də Rumıniyada, cavab oyunu isə bir həftə sonra Bakıda baş tutacaq: “Zirə” ilə oyunumuza çox az vaxt qalır. Yoxlama oyunlarından maksimum yararlanmağa çalışırıq.
Futbolçular cəmi 3 həftədi bir yerdə məşq edir, ancaq bugünkü oyundan çox razı qaldım. Bu komandaya böyük inamım var. Lakin hələ 2-3 oyunçu da almalıyıq.
Arzu edirəm ki, “Zirə” ilə matçda stadion dolacaq. Çünki futbolçular belə qarşılaşmalarda dəstək hiss etməlidi. Əminəm ki, bizim nəticə verməyə qadir komandamız var. Hazırda heyəti formalaşdırmaqdayıq”.
