Avropa Liqasının 1-ci təsnifat mərhələsi çərçivəsində "Zirə"nin Lüksemburq "Differdanj"ına qarşı keçirəcəyi cavab oyunu canlı yayımlanacaq. Sportinfo.az xəbər verir ki, sözügedən matç MYVİDEO TV (KATV 1 və Myvideo.az saytı) ilə canlı yayımlanacaq.
Sportfm.az saytının baş redaktoru Araz Əhmədov məsələ ilə bağlı bunları deyib: "Səfərdə baş tutacaq görüşü MYVİDEO TV vasitəsilə canlı yayımlayacağıq. Uzun sürən danışıqlardan sonra birbaşa yayımı təşkil etmək mümkün olacaq.
"Differdanj"la cavab matçı iyulun 6-da keçiriləcək və Bakı vaxtilə saat 21:00-da start götürəcək. "Zirə"nin avrokuboklardakı debüt ilində mərhələ adlamasına şahidlik etmək istəyən hər kəsi ekran başına dəvət edirik. Canlı yayım zamanı studiyada futbol eksperti Samir Əbdürrəhmanov da olacaq".
