.jpg)
Premyer Liqaya «Kəpəz» üzərində 2:0 hesablı qələbə ilə başlayan «Sumqayıt» yeni transferlər edəcək.
Bu haqda Sportinfo.az-a klubun prezidenti Riad Rəfiyev məlumat verib.
2018-ci ilin əvvəlindən «kimyaçılar»a rəhbərlik edən, ötən müddətdə uğurlu fəaliyyəti ilə yadda qalan təcrübəli funksioner deyib:
«Komandamızda zədəlilərin sayı heç də az deyil. Bu da yeni transferlərin olmasını labüd edir.
Büdcə problem yaratmayacaq. Açıq deyim ki, hazırda belə çətinlik görünmür».
«Gənclik şəhəri» təmsilçisi bu yay 4 transfer həyata keçirib.
Rəhim Sadıxov 2 ildən sonra «Zirə»dən geri qayıdıbsa, Fernando Medeiros, Nikola Vuynoviç və Slavişa Radoviçlə birillik müqavilə imzalanıb.
.jpg)
