2021/22 mövsümü üçün transfer çalışmalarını davam etdirən “Sumqayıt” daha bir oyunçunu heyətinə qatıb.
Sportinfo.az-ın klubun rəsmi saytına istinadən məlumatına görə, “gənclik şəhəri” təmsilçisi Yusif Nəbiyevin ardından ikinci transferini reallaşdırıb.
Qəsəbə təmsilçisi ötən mövsümü “Keşlə”də keçirən Xəzər Mahmudovla anlaşıb.
20 yaşlı yarımmüdafiəçi yeni komandası ilə 2 illik müqavilə imzalayıb. O, “Sumqayıt”da 19 nömrəli formanı geyinəcək.
“Sumqayıt” hələlik Mehdi Cənnətov, Cabir Əmirli, Mehdi Şərifi və Cavid İmamverdiyevlə yollarını ayırıb.