"Sabah"ın serbiyalı yarımmüdafiəçisi Velko Simiç Sportinfo.az-a müsahibə verib.
- Premyer Liqanın 8-ci turunda "Zirə"ni məğlub etdiz (3:0). Əla oyun, böyük hesablı qələbə. İkisini bir arada necə bacardız?
- Sadəcə mışqçilərin tapşırıqlarını dəqiq yerinə yetirməyə çalışdıq. Oyun bizim üçün çox yaxşı keçdi. İlk dəqiqədən yüksək səviyyədə və intensiv oynadıq. Fikrimcə, qələbəyə layiq idik.
- İki qolla yadda qaldın. Səni matçın qəhrəmanı adlandıra bilərik?
- Qol vurmaq və komandanın qələbəsində rol oynamaq həmişə çox xoşdur. Buna görə şadam. Amma qələbəni komanda qazanır.
- Belə sürətlə "Sabah"ın əsas fiquruna çevriləcəyinə inanırdın?
- Mən sadəcə, üzərimə düşən işi layiqincə yerinə yetirməyə çalışıram. Burada özümü xoşbəxt hiss edirəm. Komandamın qələbəsinə töhfə vermək çox xoşdur.
XANOĞLAN İMANOV

