Konfrans Liqasında mübarizə aparan “Araz-Naxçıvan” öz meydanında böyük hesabla uduzdu.

III təsnifat mərhələsinin ilk matçında Bakıda “Omoniya” ilə üz-üzə gələn təmsilçimiz meydanı 0:4 hesablı yenilgi ilə tərk etdi.

Sportinfo.az-a müsahibə verən Ba-Muaka Simakala sualları cavablandırıb.

- Ağır yenilginin səbəbini nə ilə izah edə bilərsən? “Araz”a nə oldu?

- Oyundan əvvəl əhval-ruhiyyəmiz yaxşı idi və uğurlu nəticəyə ümid edirdik. Lakin oyuna yaxşı başlaya bilmədik. Nə deyəcəyimi bilmirəm. Belə vəziyyətdə danışmaq ağırdır. Həqiqətən acı yenilgi oldu.

- Komanda kənardan yorğun görünürdü.

- Bəlkə də. Yunanıstandan Bakıya uzun yolçuluq olmuşdu. Ancaq ordan qayıdandan sonra kifayət qədər məşq etmişdik. Nə baş verdiyini anlaya bilmirəm.

- Bəlkə “Omoniya” rəqibi lazımınca analiz etmişdi deyə, sizə əl-qol açmaq imkanı vermədilər?

- Sən 100 faiz hazırsansa, rəqib heç nə edə bilməz. Ancaq bu gün onlar bizdən daha yaxşı idi.

- İqor Ribeyronun yoxluğu yekun nəticədə özünü göstərdi?

- İqorun müdafiə keyfiyyətləri inanılmaz dərəcədə yüksəkdir. Çox yaxşı futbolçudur. Onun yoxluğu bizim üçün ciddi itkidir. Təəssüf ki, səfər qarşılaşmasında da bizə kömək edə bilməyəcək. Çünki artıq “Neftçi”nin futbolçusudur.

- Nikosiyaya da tranzit reyslə uçacaqsız?

- Təşkilati məsələlərlə klub rəsmiləri məşğul olur. Açığı, xəbərsizəm.

HƏBİB / SPORTİNFO.AZ