COP29

“Qarabağ”ın adını eşitdi, “olsun” dedi: “Yəqin ki, bildiyi nəsə var”

30 Aprel 21:20 Müsahibə 5 822
“Qarabağ”ın adını eşitdi, “olsun” dedi: “Yəqin ki, bildiyi nəsə var”

“Neftçi” vacib oyunda “Turan Tovuz”u məğlub etməyi bacardı.

Azarkeşlərin tribunalara qayıtdığı qarşılaşmada “ağ-qaralar” bölgə təmsilçisinin qapısından 3 top keçirməklə yadda qaldı.

Bu matçda bakılıların ilk qolunun müəllifi olan Filip Ozobiç Sportinfo.az-ın suallarını cavablandırıb.

- Önəmli qarşılaşmada 3 xalı rahatlıqla qazandınız sanki.

- Çətin oyun idi və buna hazır idik. Matça çox yaxşı hazırlaşmışdıq. Bilirdik ki, turnir cədvəlindəki vəziyyət baxımından 3 xal bizə çox vacibdir. Fikrimcə, rəqibdən üstün oynayaraq layiqli qələbə qazanmağı bacardıq.

- Böyük hesablı qalibiyyəti təxmin edirdin?

- Fürsətdən istifadə edib fanatlarımıza təşəkkür etmək istəyirəm. Onların stadionda olması çox xoş idi. Top fərqi o qədər də önəm daşımır. Vacib olan qələbə idi ki, onu da əldə etdik.

- Qonaq azarkeşlər hakimliyin səviyyəsindən narazı görünürdülər. Rəvan Həmzəzadənin idarəçiliyini necə qiymətləndirirsən?

- Hakimin öz işi var. Gördüyü, sonradan baxdığı epizodlarla bağlı qərar verir. Yəqin ki, bildiyi nəsə var. Hakimlərin işinə şərh verməyi doğru hesab etmirəm.

- İkinci pilləni “Zirə”nin əlindən almaq üçün nə edəcəksiniz?

- Bunun üçün növbəti oyunların hamısını qalib başa vurmalıylıq.

- Nəzərə alaq ki, növbəti dörd rəqibdən ikisi “Qarabağ”la “Sabah”dır.

- Olsun. Rəqibin adına baxmaq lazım deyil. Məşqlərdə yaxşı hazırlıq keçib, meydanda bacardığımızın ən yaxşısını ortaya qoymalıyıq. Biz öz oyunumuzu oynayandan sonra rəqibin kimliyi önəm daşımayacaq.

HƏBİB

Digər Xəbərlər
Xəbər Lenti
14 İyun 18:50 Çək və bizə göndər!
14 İyun 08:40 "Neftçi", EFA, ASTA...