Premyer Liqanın 27-ci turunda “Zirə”yə məğlub olan (1:2) “Kəpəz”in yarımmüdafiəçisi Latir Fal Sportinfo.az-az-a müsahibə verib.
- Məğlubiyyət barədə nələr deyə bilərsən?
- Birinci hissə oyuna yaxşı başlamadıq. Tez-tez top itkilərinə yol verdik. Sonradan bunu düzəltmək mümkün olmadı.
- Birinci hissəni önə çəkdin, amma ikinci yarı daha zəif "Kəpəz" gördük. Ardıcıl qollar buraxdınız...
-Bəzən belə şeylər olur. Hər komandada bu kimi hallar baş verə bilir. Razıyam, birinci hissə qol imkanlarımız daha çox idi.
- Qış fasiləsindən sonra "Qarabağ"dan sonra ən formada olan komanda "Kəpəz"dir. Bugünkü zəif çıxışın kökündə qələbələrin gətirdiyi arxayınçılıq ola bilər?
- Futbolun reallıqlarından biridir. Bəzən belə hallar baş verə bilir. Növbəti oyunlar üçün konsetrasiyamızı yaxşılaşdırmağa çalışacağıq.
- Bu gün əsas heyətin dəyişilməz üzvlərindən hesab olunan Papunaşvili və Elçin Əlicanov meydanda yox idi. Onların yoxluğunu hiss etdiniz?
- Onların oyunumuzda önəmi böyükdür. Yerləri görünürdü.
- "Kəpəz"dəki çıxışını necə qiymətləndirirsən?
- Normal olduğunu deyə bilərəm. Amma daha yaxşısını edə bilərəm.
- Adil Şükürovun gəlişindən sonra daha az şans qazanırsan. Bu, nə ilə bağlıdır?
- Baş məşqçinin qərarıdır. Buna hörmətlə yanaşıram.
- İlk baxışdan görmək olur ki, keyfiyyətin var. Amma sanki özünü hələ də meydanda rahat hiss etmirsən. Bunu nə ilə izah edərdin?
- Tam olaraq deyə bilmərəm. Bəlkə də adaptasiya prosesini arxada qoya bilməmişəm.
XANOĞLAN İMANOV