.jpg)
"Araz Naxçıvan"ın baş məşqçisi Azər Bağırov Sportinfo.az-a müsahibə verib.
- "Zirə"yə məğlub olduğunuz (1:2) yoxlama oyunuyla bağlı nələr deyə bilərsiz?
- Oyun istədiyimiz kimi keçdi. Maraqlı oyun oldu. Hücumlarımız oldu, ancaq yenə qol epizodlarından yararlana bilmədik
- Yeni transferlərlə bağlı vəziyyət necədir?
- Yeni transferlər gözlənilir. Yəqin ki, 16-17 yanvara kimi danışıqları yekunlaşdıracağıq. Gedişatdan çox şey asılıdır.
- Rəhim Sadıqovun gəlişi gözlənilir?
- Rəhim çemponatda izlədiyimiz maraqlı futbolçulardandır. Mənim üçün "10 nömrə" mövqeyində çıxış edən 3-4 futbolçudan biridir. Yerli futbolçu qıtlığı var. Alınsa yaxşı olardı.
- Qış fasiləsində heyətə qatdığınız İldar Ələkbərovun oyunun necə qiymətləndirisiz?
- İldar cavan yerli futbolçudur. Onun partlayıcı sürəti var. Oyunların gedişatında bundan istifadə edə bilərik.
- Hücum xəttindən şikayət etdiniz. Ölkədə isə yerli forvard qıtlığı var. Belədə bütün fikirlərin legioner hücumçuya yönəldiyini demək olar?
- Ən böyük problemimiz hücum xəttindədir. Ora daha çox oyunçu axtarırıq. Ola bilər əcnəbi olsun. Arxa xəttə istədiyimiz yerliləri tapa bilsək, o zaman leginer forvard alacağıq. Amma indi qəti nəsə demək olmaz.
XANOĞLAN İMANOV
