.jpg)
"Zirə"nin yeni transferi Ceyhun Nuriyev Sportinfo.az-a müsahibə verib.
- “Zirə"dən başqa bir neçə klub da səni heyətinə qatmaq istəyirdi. Sonda qərarını "Zirə"nin xeyirinə etməyinə səbəb nə oldu?
- Seçimin “Zirə”dən olmağının əsas səbəbi, komandanın yüksək pillələr uğrunda mübarizə aparmağıdı. “Zirə” uzun illərdi hər mövsüm avrokuboklar üçün oynayır və belə iddialı komandada olmaq istədim.
- Yeni klubunda artıq bir neçə məşqə çıxmısan. Təəssüratların necədir?
- Komanda üzvləri məni isti qarşıladı. Adaptasiya dövrüm yaxşı keçir. Hamı ilə münasibətim yaxşıdı.
- Adətən, yeni transferlə bağlı ilk məşqdə baş məşqçinin xüsusi nitqi olur. Maraqlıdır, Rəşad Sadıqov sənin barəndə nələr dedi?
- İlk öncə komandaya təqdim edib, uğurlar arzuladı. Rəşad Sadıqovla qısa söhbətlərimiz oldu. Oyun fəlsəfəsin mənimsəməyə çalışıram.
- "Sabah"da olduğu kimi, "Zirə"də də 29 nömrəli formada çıxış edəcəksən. Sənin üçün bu rəqəmin hər hansı xüsusi önəmi varmı?
- Xüsusi önəmi yoxdu. Sadəcə Azərbaycan futboluna bu nömrə ilə gəlmişəm. Bununla da davam eləmək istədim.
XANOĞLAN İMANOV
