"Turan Tovuz"un yarımmüdafiəçisi Xəyal Nəcəfov "Araz Naxçıvan" üzərində qazanılan qələbə (3:1) haqda Sportinfo.az-a müsahibə verib.
- Qalib gəldiyiniz oyun barədə nələr deyə bilərsən?
- Çətin olacağını bilirdik. "Araz" yaxşı komandadır. Lakin məqsədimiz fasiləyə qələbə ilə yollanmaq idi. Şükür Allaha bunu bacardıq.
- Matçın startı dünən, final fiti isə bu gün verildi. İki gün oynamaq çətin olmadı?
- Gözlənilməz hadisə baş verdi. Şükür heç kim xəsarət almadı. Məncə, bizim üçün o qədər də çətin olmadı
- Hər üç qolda da birbaşa iştirak etdin. Özünü qarşılaşmanın qəhrəmanı hesab edirsən?
- Yoldaşlarım kimi mən də əlimdən gələni etdim. Özünü qəhrəman hesab etmirəm. Bir futbolçu kimi borcumdur.
- Bu mövsüm öz çıxışını necə qiymətləndirirsən?
- Buna indi qiymət verə bilmərəm (gülür). İnşallah, mövsümün sonu bu haqda danışarıq.
XANOĞLAN İMANOV
.jpg)