“Sabah”ın müdafiəçisi Sofyan Çakla Sportinfo.az-a müsahibə verib.
Mərakeşli legioner komandasının “Qəbələ”yə 0:1 hesablı məğlubiyyət haqda sualları cavablandırıb.
-İstirahət öncəsi bu cür məğlubiyyət yəqin ki, yerinə düşmədi.
- Təbii, fasiləyə qalibiyyətlə yollanmaq yaxşı olardı. Amma bu, futboldur, bəzən işlər sənin istədiyin kimi getmir. Hesabı bərabərləşdirmək üçün yaxşı imkanımız var idi. Lakin penaltini qola çevirə bilmədik. Qol vura bilmirsənsə, qələbə qazanmaq mümkün deyil. Bu gün meydanda qələbə daha çox istəyən bir komanda var idi, o da “Qəbələ”.
- Penalti epizodunu sizin üçün qırılma nöqtəsi saymaq olar?
- Qol olsaydı, təbii ki, psixoloji üstünlük tərəfimizə keçəcəkdi. Ancaq dediyim kimi, bu gün qələbəni daha çox istəyən tərəf “Qəbələ” idi. Biz də döyüşürdük, mübarizə aparırdıq. Ancaq onlar qədər yox. “Qəbələ”nin haqqını verməliyik, rəqib futbolçular meydanda canını qoyurdu.
- Daha çox xarakter göstərdiklərini demək istəyirsən?
- Bəli, onlar bizdən daha yaxşı xarakter nümayiş etdirdilər.
HƏBİB
.jpg)