"Sabah"ın uzun müddətdir əvəzedici komandaya göndərilən yarımmüdafiəçisi Ceyhun Nuriyev Sportinfo.az-a müsahibə verib.
- Karyeranla bağlı son durum necədir?
- Hələki dəqiq nəsə yoxdur.
- Bəs aldığın təkliflər?
- Düzdü, təkliflərim var. Lakin qış fasiləsində gedişimin alınıb-alınmayacağı barədə dəqiq nəsə deyə bilmirəm.
- Getmək istəyin qətidir?
- Bəli, getmək istədiyim dəqiqdir.
- Səninlə birgə əvəzedici komandaya göndərilən Nicat Mehbalıyev əsas komandaya qaytarıldı. Səninlə bağlı da oxşar qərar verilsə necə olacaq?
- Hazırda "Sabah"ın oyunçusuyam. Əgər belə bir qərar verilsə, canla-başla oynamağa hazıram. Ancaq geri qaytarılacağımı zənn etmirəm.
- Əvəzedici komandada keçirdiyin günləri karyeranda itirilmiş zaman olaraq qiymətləndirmək olar?
- Səviyyəcə aşağı olsa da, itirilmiş zaman kimi qiymətləndirməzdim. Oyunlara çıxıram, məşqlərimiz intensiv edirəm. Formada qalmaq üçün çalışıram.
- Müqavilən yaya kimidir, amma qışda danışıqlara başlaya bilərsən. Səncə, "Sabah" fasilədə gedişinə imkan yaradacaq, yoxsa səni istəyən klub təzminat ödəməli olacaq?
- Təzminatsız gedişimə imkan verəcəklərini düşünmürəm. Böyük ehtimal məni istəyən klub pul ödəməli olacaq. Necə olacağını bilmirəm. İnşallah, qışda getmək istəyim alınar".
XANOĞLAN İMANOV
.jpg)