"Sabah"ın mərakeşli müdafiəçisi Sofian Çakla Azərbaycan Premyer Liqasının 16-cı turu çərçivəsində doğma divarlar arasında "Səbail"i məğlub etdikləri (4:0) matçdan sonra Sportinfo.az-a müsahibə verib.
- İnamlı qələbə qazandınız. Nələr deyə bilərsən?
- Oyun yaxşı keçdi. Rəqib komanda da sonadək mübarizə apardı. Biz də bacardığımızı etdik və yekunda qələbəyə sevindik.
- Dubl etdin. Bu, karyeranda ilk idi?
- Bəli.
- Necə hislərdir?
- Buna görə, ələlxüsus komandama kömək etdiyim üçün çox şadam. Gələcəkdə çalışacam ki, daha çox qol vurum.
- Son iki turdur ki, qol buraxmadan qalib gəlirsiz. Bu tempi ən azı fasiləyə qədər qoruyub saxlaya biləcəksiz?
- Əlbəttə, bunun davamını gətirmək istəyirik. Bunun üçün əlimizdən gələni edəcəyik, inşallah.
- Növbəti turda "Araz-Naxçıvan" səfərinə yollanacaqsız. Bu oyundan gözləntin nədir?
- "Araz-Naxçıvan" yaxşı kollektivdir. Bu matça xüsusi konsentrasiya olmalıyıq. Bu görüşdə də qələbə qazanmağa çalışacağıq.
XANOĞLAN İMANOV
.jpg)