"Bəli, məyusluq oldu"

30 Noyabr 2023 23:40 Müsahibə 299
"Bəli, məyusluq oldu"

"Zirə"nin yarımmüdafiəçisi İsmayıl İbrahimli "Sumqayıt"la bərabərə (0:0) qaldıqları matç haqda Sportinfo.az-a müsahibə verib.

- Matç haqqında düşüncələrin necədir?

- "Sumqayıt" yaxşı komandadır. Ötən tur "Neftçi"ni məğlub etmişdilər. Çətin keçəcəyin bilirdik. İlk hissə hər iki komandanın fürsətləri oldu. Amma yararlana bilmədik. Qələbə üçün meydana çıxmışdıq. Təssüf ki, bir xal qazandıq.

- Özünün də qeyd etdiyi kimi ilk hissə qol fürsətləri bol oldu. İkinci yarıda isə bunu görə bilmədik. Fərqli hissələr görməyimizə səbəb nə idi?

- Açığı, güclü külək vardı. İkinci yarı bir az da sürətləndi və oynamağa mane olurdu.

- Kənardan isə sanki hər iki tərəf də bir xala razılaşmışdı kimi görünürdü...

- Yox, 1 xal üçün mübarizə aparmırdıq. Məqsədimiz qələbə qazanmaq idi. Amma belə alındı ki, 1 xal əldə etdik. Xallarımızın sayı artdı. Uzun marafondur. Lazımlı xal qazandıq.

- Nisbətən münasib rəqiblə görüşdə qələbə olmadığı üçün məyusluq oldumu?

- Bəli, məyusluq oldu. Lakin qarşıda bu komanda ilə daha iki oyunumuz var. Çempionat bundan sonra daha maraqlı olacaq.

XANOĞLAN İMANOV

Digər Xəbərlər
Xəbər Lenti
24 Fevral 21:40 Arda “Real”da qalacaq
24 Fevral 20:30 Laçından GÖZƏL VİDEO
24 Fevral 19:30 Çək və bizə göndər!
24 Fevral 16:40 Nəhayət, o, getdi…