"İndiki durumda nəinki "Qarabağ"a, hamıya qarşı belə olmalıyıq" - MÜSAHİBƏ

28 Noyabr 2023 17:00 Müsahibə 404
"İndiki durumda nəinki "Qarabağ"a, hamıya qarşı belə olmalıyıq" - MÜSAHİBƏ

“Qəbələ” Premyer Liqanın 14-cü turunu qələbə ilə başa vurdu.

Bölgə klubu doğma meydanda “Turan Tovuz”u darmadağın edib - 4:0.

Görüşün qəhrəmanı isə het-trik edən Bilel Auaşeriya olub.

Fransalı legioner Sportinfo.az-a müsahibə verib

- Parlaq oyun, əla qələbə barədə nələr deyə bilərsən?

- Özümü yaxşı hiss edirəm. Hər gün 3 qol vurmaq olmur. Əsas odur komandamız qələbə qazandı.

- Jurnalistləri bir xeyli gözləməli oldun. İlk dəfə belə hal yaşanır. 3 qolun sevinci idi, yoxsa...

- Xarakterim belədir. Danışmaq üçün söz vermişdim. Ona görə gözləməliydim.

- Karyeranda bundan əvvəl het-trik etmisən?

- Uşaq vaxtı olub. Peşəkar karyeramda ilk dəfədir.

- Bu qələbəni komandan üçün dönüş nöqtəsi hesab etmək olar?

- Ümid edirəm ki, belə olacaq. Bu gün qalib gəldik, amma əsas odur ardını gətirək.

- Turnir cədvəlindəki yeriniz üzərinizdə təzyiq yaratmır?

- Yox, bu, bizim işimizdir. Təzyiq hiss etmirik. Hər oyuna köklənib qalib gəlməliyik.

- Bu gün hücumda oynadın və alındı. Belə davam etmək istəyirsən?

- Baş məşqçinin istəyi belə oldu. Bundan sonra da harada məsləhət olsa çıxış etməyə hazıram.

- Özünü daha çox harada rahat hiss edirsən?

- Akademiya vaxtımdan vinger və "10 nömrə" mövqeyində oynamışam. Əsas hücumçu kimi də çıxış etmişəm. Heç bir fərqi yoxdur.

- İkinci qolunu rəqib azarkeşlərin yaxınlığında qeyd etdin. Məqsədin onlara qıcıq vermək idi?

- Əsla elə fikrim olmayıb. Bunu planlı şəkildə etməmişəm. Sadəcə daha yaxın nöqtə ora idi.

- Növbəti oyun "Qarabağ"a qarşıdır. Xüsusi motivasiya ilə meydana çıxacaqsız?

- İndiki durumda nəinki "Qarabağ"a, bütün rəqiblərə qarşı motivasiyalı olmalıyıq.

XANOĞLAN İMANOV

Digər Xəbərlər
Xəbər Lenti
23 Fevral 17:50 Çək və bizə göndər!
23 Fevral 13:40 Tanrının ikinci qolu...