"Turan Tovuz"un yay fasiləsində heyətinə qatdığı qapıçı Aydın Bayramov Sportinfo.az-a müsahibə verib.
Yeni transfer Tovuz təmsilçisinə keçidindən, gələcək planlarından danışıb.
- "Turan"a keçidin necə baş tutdu?
- Ayxan Abbasovla danışığımız oldu. Sonda da razılaşdıq və bu gün "Turan"ın üzvüyəm.
- "Turan"ın əsas qapıçısı Tərlan Əhmədli hesab olunur. Onunla "Sumqayıt"da bərabər çıxış etmisiniz. Növbəti dəfə onunla rəqabətə hazırsanmı?
- Futbol elə oyundur ki, hər zaman rəqabətə hazır olmalısan.
- "Sumqayıt"da Ayxan Abbasovun rəhbərliyi altında milli komandaya kimi yüksəlmişdin. Bu dəfə eyni zirvəyə "Turan"da yüksəlmək mümkün olacaqmı?
- İnşallah. Bunun üçün əlimdən gələni edəcəm.
- "Turan" 9 ildən sonra elitaya qayıtsa da hər kəsi təəccübləndirməyi bacardı. Qərarında bu məqam nə qədər rol oynamış oldu?
- Bəli, oldu. Komanda uzun müddətdən sonra yüksək liqaya qayıtsa da özünü yaxşı tərəfdən göstərə bildi. İnşallah, "Turan" ildən ilə klub kimi daha da çox inkişaf edər.
XANOĞLAN İMANOV
.jpg)