COP29

Birinci şəxs "Sportinfo"ya danışdı: "Klubumuz Premyer Liqanı tərk etsə..."

27 May 2023 13:00 Müsahibə 3 018
Birinci şəxs "Sportinfo"ya danışdı: "Klubumuz Premyer Liqanı tərk etsə..."

“Şamaxı” bu gün mövsümün həlledici görüşünə çıxacaq.

“Səbail”in qonağı olan “Şirlər” Premyer Liqada qalmaq istəyirsə mütləq qələbə qazanmalıdır.

Bölgə klubunun İdarə Heyətinin sədri Elçin Usub vacib qarşılaşmadan əvvəl Sportinfo.az-a müsahibə verib.

- Mövsümün son oyununda "Səbail"lə çox ağır qarşılaşma sizi gözləyir. Matçla bağlı nə deyə bilərsiniz?

- Sualdan da bilinir ki, həqiqətən ağır oyun olacaq. Artıq söz demək vaxtı deyil. Nə desək də kömək etməyəcək. Çıxıb oynamaq lazımdır. İnşallah, ən yaxşı performasımızı göstərib, lazım olan 3 xalı təmin edəcəyik.

- Hətta görüşü mövsümün oyunu adlandıranlar var. Belə məsul matç öncəsi düşərgədə atmosfer necədir?

- Bütün məşqçilər, futbolçular oyunun vacibliyin bilir. Bu matç bir illik əziyyətimizin pik nöqtəsidir. İnanıram ki, lazım olan performansı göstərib, üzümüzü ağ edəcəklər.

- Belə oyunlarda adətən oyunçulara yaxşı mükafat vədi verilir. Sabah sizdə necə olacaq?

- Bu, bizim daxili məsələdir. İcazə verin, bu haqda açıqlama verməyim.

- Futbolda qələbə olduğu kimi, məğlubiyyət də var. İkinciyə hazırsınızmı?

- Komandanı bilmirəm, amma rəhbərlik hazırdı (gülür).

- O halda "Şamaxı"nın taleyi necə olacaq?

- Yola davam edəcəyik.

XANOĞLAN İMANOV

Digər Xəbərlər
Xəbər Lenti