.jpg)
“Neftçi”nin uzun müddətli zədədən yeni dönən müdafiəçisi Azər Salahlı Sportinfo.az-a müsahibə verib.
O, öncə “Zirə” üzərindəki son qələbə (3:0) haqqında danışıb.
- "Zirə" ilə oyunlar hər zaman çətin olur. Xüsusi ilə Zirədəki oyunlar. İlk dəqiqələrdən komandamız oyuna konsetrasiyalı başladı. Sona qədər yaxşı oyun göstərib, qollarımızı vurub qələbə qazana bildik.
- Zirə səfərlərinin çətin olduğunu bildirdin. Amma bu dəfə sanki asan qələbə qazandınız. Səncə, bunun səbəbi nə idi?
- Deməzdim ki, asan oyun keçdi. Sadəcə ilk dəqiqələrdə vurulan qol bizə daha da rahat oynamağa imkan verdi. Daha sonra görüşdə nəzarəti ələ alaraq digər qolları da vura bildik.
- Oyuna daxil olmağın ani baş verdi. Oynamağın planda var idi?
- Oyundan öncə qərar verilmişdi ki, imkan olduğu təqdirdə 10-15 dəqiqə oynayım. Amma Azər Əliyevin zədələnməsi səbəbindən məcburən 75 dəqiqə oynamalı oldum. Tam hazır olmadığım üçün bir qədər ehtiyat edirdim. Amma şükürlər olsun ki, hər şey yaxşı qurtardı.
- Artıq "Qarabağ", "Sabah" və "Neftçi"nin timsalında ilk üçlüyün formalaşdığını demək olar. Bəs komandanın burada şansların necə qiymətləndirirsən?
- Mövsümün əvvəli olduğu üçün sezonun sonu barədə danışmaq bir az tezdir. Biz mübarizəmizi bütün oyunlarda aparacağıq və sonda kimin hansı mövqedə olacağını görəcəyik.
XANOĞLAN İMANOV
