.jpg)
“Neftçi”də bəzi futbolçuların gələcək taleyi ilə bağlı hələ ki, qeyri-müəyyənlik hökm sürür.
Samir Abasovun komandada qalıb-qalmayacağı ilə bağlı məsələ açıq qaldığından 3 futbolçu səbirsizliklə iyunun 2-ni gözləyir.
Bunlar Kamran İbrahimov, Tyaqo Bezerra və Ramon Maçadodur. Sözügedən oyunçuların “ağ-qaralar”la müqaviləsinin müddəti mayın sonuna qədərdir.
Bu isə o deməkdir ki, Kamranla digər 2 braziliyalının taleyinə baş məşqçi mövzusu həllini tapandan sonra aydınlıq gələcək.
Yeni baş məşqçi gələcəyi halda son söz onun olacaq. Bu 3 futbolçunun xidmətinə ehtiyac duyarsa, onlarla yeni anlaşma imzalanacaq. Yox, onların əvəzinə başqalarını istəsə, o zaman 3-nə də qapı göstəriləcək.
Hərçənd yerli futbolçu prizmasından baxanda İbrahimovun “Neftçi”də qalacağı inandırıcı görünür.
HƏBİB / SPORTİNFO.AZ
