.jpg)
.jpg)
"Səbail"in yeni transferi və Litva millisinin üzvü Şımkus Domantas Sportinfo.az-a müsahibə verib.
- "Səbail"ə keçidin necə baş verdi?
- Komandanın baş məşqçisi mənə maraq göstərdi. Bu, mənim xoşuma gəldi. Başqa seçimlərim də vardı, amma "Səbail"i seçdim.
- Transferindən əvvəl ölkəmizdə oynamış litvadan olan əcnəbi futbolçulardan məsləhət almışdın?
- Bəli. Azərbaycanda oynamış dostlarım var. Hamısı ölkə və çempionat haqqında gözəl sözlər söylədi.
- Ölkəmizə gələnə kimi Azərbaycan futbolu haqqında nə bilirdiniz?
- Yaxşı çempionatınız var. Bir çox klublarınız Avropa kuboklarında yaxşı çıxış edir.
- "Səbail"də bundan sonrakı məqsədiniz nədir?
- İlk növbədə mümkün qədər yaxşı oynamaq istəyirəm. Və komandamın məqsədlərinə çatmasına kömək edib, fayda verməyə çalışacam.
- İsrail çempionatından bura gəlməyinizi geriyə addım saymaq olar?
- Xeyr. Mən belə düşünmürəm. İndi bütün fikirlərimi "Səbail" klubuna yönəltmişəm.
Xanoğlan İmanov
