.jpg)
Gürcüstanın "Samtredia" klubuna transfer olunan sabiq "Qarabağ"lı yarımmüdafiəçi Ruslan Hacıyev Sportinfo.az-a müsahibə verib.
- "Samtredia"ya transferin necə baş tutdu?
- Menecerim Vaqif Heydərli belə bir təklif olduğunu dedi. Düşündük ki, buradan digər ölkələrə çıxış şansı daha çoxdur. İnşallah, fikirləşdiyim kimi buradan Avropa klublarına getmək qismət olar.
- Digər azərbaycanlı futbolçumuz İbrahim Qədirzadə "Samtredia"dan yeni ayrıldı. Aranızda hər hansı söhbət olub?
- Hə, söhbətimiz olub. Necə futbol oynamaları, buranın necə yer olması barədə ətraflı danışdıq.
- Artıq komanda ilə məşqlərə başlamısan. İlk təəssuratların necədir?
- Komanda ilə bir neçə gündür məşqlərə qoşulmuşam. Hər şey yaxşıdır. Hələki fiziki hazırlığa daha çox üstünlük verirlər.
- "Səbail"dən ayrılandan sonra bir müddət komanda məşqlərindən kənar qaldın. İndi özünü necə hiss edirsən?
- Fərdi məşqlər edirdim. Amma komanda ilə məşq başqadır. Formaya düşməyə çalışıram. Hələ tam hazır deyiləm. İnşallah, tezliklə olacam.
- Ruslan, Gürcüstandan başqa təkliflərin vardı?
- Bəli, yerli klublardan təkliflər vardı. Sadəcə, buranı trampilin kimi gördüyümü üçün üstünlüyü bura verdim.
- Sirr deyilsə yerli klublardan hansılar dəvət göndərmişdi?
- Məncə, ad çəkməyim doğru olmazdı.
Xanoğlan İmanov
