.jpg)
.jpg)
Qılıncoynatmanın sablya növü üzrə qadınlardan ibarət milli komandamız Tunisdə keçirilən Dünya Kubokunda 5-ci olub.
Sportinfo.az xəbər verir ki, Tunisin Hammamet şəhərində qılıncoynatmanın sablya növü üzrə qadınların Dünya Kubokunda komanda yarışına yekun vurulub.
Anna Başta, Sevil Bünyatova, Səbinə Kərimova, Valeriya Bolşakova və Polina Kaspiaroviçdən ibarət kollektiv ilk görüşdə Özbəkistan komandasına 45:32 hesabı ilə qalib gələrək ən güclü 16-lığa yüksəlib.
Növbəti görüşündə İspaniyanı təmsil edən seçmə kollektivlə qarşılaşan qadın sablyaçılarımız güclü rəqiblə gərgin və maraqlı mübarizə şəraitində keçən görüşü 45:44 hesablı qələbə ilə başa vurub.
Komandamız yarımfinala yüksəlmək uğrunda keçirilən görüşdə Fransa yığmasına 34:45 hesabı ilə uduzub.
5-6-cı yerlər uğrunda keçirilən görüşlərdə Bolqarıstan komndasına 45:37 hesabı ilə qalib gələn sablyaçılarımız ardınca Polşa yığmasını 45:42 hesabı ilə məğlub edərək Dünya Kubokunda 5-ci olub.
