![Yığmaya dəvət alacaq 20 oyunçudan 17-si...](https://www.sportinfo.az/media/2024/03/30/53f64275-782d-3760-b40d-1abedf11d0d5_850.jpg)
Azərbaycan minifutbol yığması Monteneqroda təlim-məşq toplanışı keçəcək.
Sportinfo.az xəbər verir ki, komanda 24 aprel – 2 may aralığında adıçəkilən ölkədə hazırlıq keçəcək.
Təlim-məşq toplanışı iyunda Bosniya və Herseqovinada təşkil olunacaq Avropa çempionatına hazırlıq xarakteri daşıyacaq.
Baş məşqçi aprelin 3-də keçiriləcək Azərbaycan çempionatının pley-off oyunlarından sonra 20 nəfərlik heyəti açıqlayacaq.
Bu həm də Avropa çempionatı üçün ilkin heyət olacaq. Belə ki, yığmaya dəvət alacaq 20 oyunçudan 17-si qitə birinciliyinə aparılacaq.
Avropa çempionatı iyunun 1-dən 9-na qədər Sarayevoda baş tutacaq.