“Mançester Siti” “Palmeyras”ın vingeri Allan Eliasın transferi üzərində işləyir.
22 yaşlı futbolçu yay transfer dönəmində Savinyonun mümkün gedişindən sonra onun əvəzlənməsi üçün namizədlərdən biri hesab olunur.
Sportinfo.az xarici KİV-ə istinadən xəbər verir ki, “şəhərlilər” artıq braziliyalı oyunçu ilə şəxsi müqavilənin şərtlərini razılaşdırıb.
İndi İngiltərə klubu “Palmeyras”la transfer məbləği barədə anlaşmağa çalışır. Tərəflər arasında danışıqlar başlayıb.
Allan Elias cari mövsümdə 41 oyunda meydana çıxıb, 6 qol vurub və 5 məhsuldar ötürmə verib.
“Palmeyras” futbolçunu komandada saxlamaq niyyətindədir. Allan üçün təxminən 100 milyon avroluq sərbəstqalma maddəsinin olduğu da bildirilir.
.jpg)
