“Arsenal”ın baş məşqçisi Mikel Arteta hücum xəttini yeni futbolçu ilə gücləndirmək istəyir.
Sportinfo.az “The Touchline”-a istinadən xəbər verir ki, “Real”ın vingeri Vinisius Junioru transfer etmək cəhdinin baş tutmamasından sonra ispaniyalı mütəxəssis hücumçu almaq fikrindən daşınmayıb.
Arteta “topçular”ın heyətinə yeni hücumameyilli futbolçunun cəlb olunmasını istəyir. London klubunun yaxın günlərdə bu istiqamətdə addımlar atacağı gözlənilir.
“Arsenal” yeni mövsümdə ilk rəsmi oyununda “Mançester Siti”ni 3:0 hesabı ilə məğlub edərək, İngiltərə superkubokunu qazanıb.
Artetanın komandası avqustun 21-də, Premyer Liqanın ilk turunda doğma meydanda Frenk Lempardın çalışdırdığı “Koventri”ni qəbul edəcək.
.jpg)
