“Koventri” hücum xəttini yeni oyunçu ilə gücləndirib.
Sportinfo.az xəbər verir ki, Premyer Liqa təmsilçisi “Fənərbaxça”dan Sidiki Şerifi transfer edib.
Bu barədə klubun mətbuat xidməti məlumat yayıb.
“Koventri” Şerif üçün Türkiyə klubuna 24,5 milyon avro təzminat ödəyib. 19 yaşlı forvardla imzalanan müqavilənin detalları barədə məlumat verilməyib.
“Fənərbaxça” Sidiki Şerifi bu ilin fevralında “Anje”dən 22 milyon avroya transfer etmişdi.
Gənc futbolçu İstanbul klubunun heyətində meydana çıxdığı 17 rəsmi matçda 3 qol və 1 məhsuldar ötürmə ilə yadda qalıb.
