“Mançester Yunayted” “Frayburq”un hücumçusu İqor Matanoviçlə maraqlanır.
Sportinfo.az “CaughtOffside”-a istinadən xəbər verir ki, “qırmızı şeytanlar” artıq 23 yaşlı futbolçunun mümkün transferi ilə bağlı ilkin müzakirələr aparıb.
Mançester təmsilçisi Coşua Zirkze ilə yollarını ayıracağı təqdirdə, Matanoviç üçün rəsmi təklif göndərə bilər. Xorvatiyalı forvardın durumunu “Tottenhem” də yaxından izləyir.
Matanoviç ötən mövsüm “Frayburq”un heyətində bütün turnirlərdə 50 oyuna çıxıb, 15 qol vurub və 4 məhsuldar ötürmə verib. “Transfermarkt” portalı onun dəyərini 22 milyon avro qiymətləndirir.
