“Tottenhem”in müdafiəçisi Ben Deyvis London klubu ilə yeni müqavilə imzalayıb.
Sportinfo.az klubun rəsmi saytına istinadən xəbər verir ki, uelsli 2026/2027 mövsümünün sonuna qədər “Tottenhem”də qalacaq.
Deyvis 12 ildir ki, “Tottenhem”də çıxış edir. O, London klubuna 2014-cü ildə “Suonsi”dən keçib.
33 yaşlı futbolçu “Tottenhem”in heyətində 363 oyuna çıxıb, 10 qol vurub və 26 məhsuldar ötürmə verib.
