“Mançester Yunayted”dən icarə əsasında “Barselona”da çıxış edən hücumçu Markus Reşfordun gələcəyi ilə bağlı yeni transfer iddiası ortaya çıxıb.
Sportinfo.az xarici KİV-ə istinadən xəbər verir ki, “Arsenal” yay transfer pəncərəsi öncəsi ingiltərəli futbolçunun vəziyyətini yaxından izləyir.
“Barselona” 28 yaşlı hücumçu üçün tələb olunan 30 milyon avronu ödəmək istəmədiyi, “qırmızı şeytanlar”ın isə güzəştə getməyə hazır olmadığı bildirilir.
O, bu mövsüm Kataloniya təmsilçisinin heyətində 46 oyuna çıxıb, 13 qol vurub və 14 məhsuldar ötürmə verib.
Reşfordun “Mançester Yunayted”lə müqaviləsinin müddəti 2028-ci ilə qədərdir.
.jpg)
.jpg)
