“Real” “Mançester Siti”nin yarımmüdafiəçisi Rodrinin transferi ideyasından imtina etməyib.
“Şəhərlilər”in futbolçusu hələ də “kral klubu”nun yay transfer hədəfləri siyahısında yer alır.
Sportinfo.az “Defensa Central”-a istinadən xəbər verir ki, madridlilər bu transferə yalnız iki şərt daxilində cəhd edəcəklər.
Birincisi, yarımmüdafiəçi İspaniya millisinin heyətində dünya çempionatında fiziki cəhətdən hazır olduğunu sübut etməlidir. İkincisi isə, onun qiyməti 50 milyon avronu keçməməlidir.
2024-cü ilin “qızıl top” mükafatının sahibi olan futbolçu iyunda 30 yaşını tamamlayacaq.
