“Mançester Siti”nin yarımmüdafiəçisi Bernardo Silva karyerasını “Barselona”da davam etdirməyə hazırdır.
Sportinfo.az xarici KİV-ə istinadən xəbər verir ki, portuqaliyalı oyunçu artıq Kataloniya klubuna keçməyə şifahi razılıq verib.
Silva 2017-ci ildən “Mançester Siti”də çıxış edir. 31 yaşlı yarımmüdafiəçinin “şəhərlilər”lə hazırkı müqaviləsinin müddəti iyun ayında başa çatacaq və o, mövsümün sonunda azad agent olacaq.
Futbolçu bu mövsüm İngiltərə klubunun heyətində bütün yarışlarda 43 oyuna çıxıb, 3 qol vurub və 5 məhsuldar ötürmə edib.
