“Aston Villa”nın yarımmüdafiəçisi Morqan Rocers yay transfer pəncərəsində komandasını dəyişə bilər.
Sportinfo.az “The Sun”-a istinadən xəbər verir ki, 23 yaşlı futbolçu yeni kluba keçidi nəzərdən keçirir.
İngiltərəli oyunçu ilə “Arsenal”, “Liverpul”, “Mançester Yunayted” və “Çelsi” maraqlanır.
Bildirilir ki, transferin dəyəri 80 milyon funt-sterlinq (təxminən 92 milyon avro) ola bilər. Bonuslarla birlikdə bu məbləğin 100 milyon funt-sterlinqi (115 milyon avro) keçəcəyi gözlənilir.
Morqan Rocers ötən ilin noyabrında “Aston Villa” ilə müqaviləsinin müddətini 2030/31 mövsümünün sonuna qədər uzadıb. O, cari mövsümdə 44 oyunda 10 qol vurub və 7 məhsuldar ötürmə verib.
