“Arsenal” azarkeşi olan tanınmış jurnalist və aparıcı Pirs Morqan gürcü vinger Xviça Kvaratsxeliyanın komandaya mümkün transferi ilə bağlı fikirlərini bölüşüb.
Sportinfo.az xəbər verir ki, o, sosial şəbəkə hesabında belə yazıb:
“Bu xəbər doğrudursa, “Arsenal” Kvaratsxeliyanı mütləq transfer etməlidir.
Mikel Arteta (komandanın baş məşqçisi), pula qənaət etmə. Bu, möhtəşəm futbolçudur”.
Kvaratsxeliya hazırda PSJ-nin formasını geyinir. O, Paris təmsilçisinə 2025-ci ilin əvvəlində qoşulub.
23 yaşlı futbolçu cari mövsümdə 37 oyunda meydana çıxıb, 12 qol vurub və 7 məhsuldar ötürmə verib.
