“Nyukasl”ın baş məşqçisi Eddi Hou komandasının mübarizə aparmağa və istənilən rəqibdən xal almağa qadir olduğunu bildirib.
“Sağsağanlar” İngiltərə Premyer Liqasının 29-cu turunda öz meydanında “Mançester Yunayted” üzərində 2:1 hesablı qələbə qazanıblar.
“Nyukasl” bu nəticə ilə rəqibinin çempionatda davam edən 11 oyunluq məğlubiyyətsiz seriyasına son qoyub.
Sportinfo.az BBC-yə istinadən xəbər verir ki, ingiltərəli çalışdırıcı bunu deyib:
“Nyukasl” sübut etdi ki, istənilən komanda ilə rəqabət apara bilər”.
“Nyukasl” hazırda Premyer Liqada 39 xalla turnir cədvəlinin 12-ci pilləsində qərarlaşıb. “Mançester Yunayted” isə 51 xalla “Aston Villa” ilə birlikdə 3–4-cü yerləri bölüşür.
Eddi Hounun komandası növbəti turda, martın 14-də səfərdə “Çels” ilə qarşılaşacaq.
