![Azərbaycanlı legioner qol vurdu, komandası Albaniyada liderliyə yüksəldi](https://www.sportinfo.az/media/2023/11/29/191538_eectp8dty0.jpg)
Albaniya çempionatında 14-cü turun oyunları keçirilir.
Sportinfo.az xəbər verir ki, azərbaycanlı futbolçu Vüsal İsgəndərlinin formasını geyindiyi "Eqnatiya" "Laçi"nin qonağı olub.
Oyun "Eqnatiya"nın 2:0 hesablı qələbəsi ilə başa çatıb.
Vüsal İsgəndərli də bu görüdə iştirak edib. O, 71-ci dəqiqədə meydana daxil olub və sonadək oynayıb. Komandasının 2-ci qolunu da 79-cu dəqiqədə məhz Vüsal vurub.
Bu qələbədən sonra xallarının sayını 30-a çatdıran "Eqnatia" turnir cədvəlində liderliyə yüksəlib.
"Laçi" - "Eqnatiya" - 0:2
Qollar: Edison Ndreka, 48, Vüsal İsgəndərli, 79