“Real”ın hücumçusu Vinisius Junior bloger sevgilisi Virciniya Fonsekadan ayrılıb.
Sportinfo.az xəbər verir ki, bu barədə 27 yaşlı blogerin nümayəndəsi “CNN Brasil”-ə açıqlamasında məlumat verib:
“Virciniya Fonseka ilə Vinisius Junior artıq birlikdə deyillər. Heç bir münaqişə, mübahisə olmayıb. Onlar artıq cütlük olmaq istəmədiklərinə birgə qərar veriblər”.
“Real” oktyabrın 10-da, İspaniya La Liqasının 8-ci turunda doğma meydanda “Vilyarreal”ı 1:0 hesabı ilə məğlub edib.
Vinisius həmin qarşılaşmaya start heyətində başlamayıb və 52-ci dəqiqədə meydana daxil olub. Ancaq braziliyalı futbolçu 73-cü dəqiqədə rəqibinin saçından tutduğuna görə qırmızı vərəqə ilə cəzalandırılıb.
Onu bir neçə oyunluq diskvalifikasiya gözləyə bilər. Bu səbəbdən, 26 yaşlı hücumçunun “Barselona” ilə qarşılaşmanı buraxması ehtimal olunur.
