Azərbaycan millisinin yarımmüdafiəçisi Rüfət Abdullazadə İsraildə növbəti qolunu vurub.
Sportinfo.az xəbər verir ki, "Kiryat Şimona"da çıxış edən 25 yaşlı vinger İsrail çempionatının 2-ci turunda "İroni Tiberiyas"la görüşdə rəqib qapısına yol tapıb.
Onun cərimə zərbəsindən vurduğu qol baxımlı alınıb.
Start heyətdə meydana çıxan Rüfət 72-ci dəqiqədə fərqlənib. Oyun Rüfətin komandasının 2:0 hesablı qələbəsi ilə başa çatıb.
Bu yay İsrail klubuna keçən Abdullazadənin aktivində 2 qol var. O, İsrail kubokunda da 1 qol vurub.
.jpg)
