Azərbaycan millisinin futbolçusu Mahir Emreli Polşa təmsilçisi “Rakuv”un heyətində növbəti qolunu vurub.
Sportinfo.az xəbər verir ki, 29 yaşlı hücumçu bu gün Konfrans Liqasının pley-off mərhələsinin “Hayduk”la (Xorvatiya) səfər matçında fərqlənib.
Mahir start heyətdə meydana çıxıb və sonadək oynayıb. Emreli 27-ci dəqiqədə komandasının bərabərlik qolunu vurub. Görüş 2:2 hesab ilə yekunlaşıb.
Bu, Emrelinin "Rakuv"un heyətində Konfrans Liqasında 2-ci, ümumən isə 3-cü qoludur.
"Hayduk" (Xorvatiya) - "Rakuv" (Polşa) 2:2
Qollar: Seqo, 21, De Almeyda, 48 - Emreli, 27, Diabi-Fadiqa, 90+5
Qırmızı vərəqə: Pajaziti, 55 ("Hayduk")
